Na 1985 a cuminsa cu construccion di e residencia oficial di Gobernador di Aruba na Maria Christinastraat 2 na Oranjestad.
Na 1986 Aruba a haya e status di pais dentro di Reino y e prome Gobernador di Aruba a asumi su puesto.
Cas di Gobernador di Aruba (1986)
E dos prome Gobernadornan di Aruba, señor F.B. Tromp y señor mr. O. Koolman, a biba den e residencia oficial durante nan periodo como Gobernador. Gobernador Refunjol no a haci uzo di e residencia di Gobernador, en espera di renobacion di e edificio.
A completa e reconstruccion y renobacion di e residencia di Gobernador na 2015, pa e uzo actual como cas ceremonial di recepcion: Cas Ceremonial di Gobernador. E edificio ta den uzo di Gobernador pa audiencia y otro recepcion oficial di alto funcionario.
Obranan di arte
Como parti de e interior actual, Cas Ceremonial ta exhibiendo temporalmente pintura y tableaus di tegel presta door di Rijkswet di Herencia Cultural di Hulanda, como tambe obranan di artistanan local.
Panel di tegel (sin titulo)
E panel di tegel aki, di cual e fabricante ta desconoci, ta traha di policromia den mangan, blauw, geel y berde, ceramica cu un capa protector den un cuadro di palo. Un diseño continuo traha di tegels di 6x4cm di un florero di barbulet.
E panel di tegel a wordo restaura na mei 2024 door di e restaurado Ron Kievits.
E dimension di e panel ta: H91cm x B65cm x D5cm.
Pintura "Bloemen" - Filarski, D.H.W.
Dirk Herman Willem Filarski (1885-1964) tabata un pintor Hulandes cu tabata forma parti di e Bergense School. Su obranan ta wordo caracterisa pa su uzo expresivo di color y composicionnan poderoso. Filarski a pinta principalmente paisahenan, naturalesa morto y flornan. Su obranan a wordo influencia pa su biahenan na Suisa, Francia y Italia. Den e periodo entre 1950 y 1960, el a traha extensivamente cu un sorto di verf di awa, specialmente durante su hopi biahenan (Simonis & Buunk).
E pintura “Bloemen” di 1950 ta refleha e fase final di su carera, den cual el a enfatisa hopi riba colornan briyante y composicionnan floral. E a wordo traha cu verf di azeta. E pintura aki ta un ehempel di su estilo caracteristico den e periodo despues di guera, den cual, fuera di paisahenan y tema di animal el a pinta hopi naturalesa morto y flornan (Caput Ovis).
Su obranan ta sigui wordo aprecia pa coleccionistanan di arte y museonan tanto na Hulanda y den exterior. Su contribucion na historia di arte Hulandes ta uno extenso.
E pintura a wordo restaura na maart 2024 door di e restaurado Nadia Wilting.
E dimensionnan di e pintura ta: cuadra 131.3cm x 112.5cm x 4cm y lona 120.5cm x 101.5cm.
Pintura “Stilleven II” - Filarski, D.H.W.
Dirk Herman Willem Filarski (1885-1964) tabata un pintor Hulandes cu tabata forma parti di e Bergense School. Su obranan ta wordo caracterisa pa su uzo expresivo di color y composicionnan poderoso. Filarski a pinta principalmente paisahenan, naturalesa morto y flornan. Su obranan a wordo influencia pa su biahenan na Suisa, Francia y Italia. Den e periodo entre 1950 y 1960, el a traha extensivamente cu sorto di verf di awa l, specialmente durante su hopi biahenan (Simonis & Buunk).
Pa loke trata e pintura "Stilleven II" di 1962, ta un obra di Filarski cu a wordo crea mas laat den su carera. E obra aki a wordo traha cu verf di azeta. E ta conecta cu su tendencia pa uza colornan fuerte, specialmente despues di su periodo na Bergense.
Filarski tabata un artista cu constantemente a sigui experimenta cu color y composicion, loke probabelmente ta visibel den e obra aki (Caput Ovis).
E pintura a wordo restaura na maart 2024 door di e restaurado Nadia Wilting.
E dimensionnan di e pintura inclui e cuadra ta: 140cm x 120cm x 5.5cm.
Pintura “H.M. Koningin Beatrix” – Bruijn, J.
Jacob (Bob) Bruin (1906 – 1989) tabata un pintor Hulandes conoci pa su potretnan, naturalesa morto y paisahenan. El a studia na Koninklijke Academie di arte visual na Den Haag y a haya les di entre otro George Rueter. Bruijn a pinta varios potret di miembronan di e Famia Real, entre otro di Reina Wilhelmina, Juliana y Beatrix. Ademas el a pinta riba encargo pa diferente universidadnan y Rabobank. El a biba y traha na Wassenaar pa mayoria di su bida.
E potret di Reina Beatrix di 1982, pinta cu verf di azeta, ta un di e tantisimo representacionnan artistico di e ex monarca Hulandes, crea na momento cu e tabata un figura central na Hulanda. E obra di arte aki ta forma parti di un tradicion di potretnan oficial y otro representacionnan artistico di e Famia Real, cu hopi biaha ta combina reverencia historico cu estilonan artistico contemporaneo. E potret aki, hunto cu entre otro e obranan di Herman Gordijn y Carla Rodenberg, a contribui na e evolucion narativo visual di Reina Beatrix durante su reinado. (PlusOnline).
E pintura a wordo restaura na maart 2024 door di e restauradonan Diana de Man y Nadia Wilting.
E dimensionnan di e pintura inclui e cuadra ta: 182.5cm x 137.5cm x 8.5cm.
Escultura “Blauwe cactus met gele naalden” – Meijers, K.A.
Karel Meijers, naci na 1945, ta un artista Hulandes multifasetico cu ta envolvi den varios forma di arte, incluyendo esculturanan, figuranan corta di palo, arte grafico y obranan di plexiglas. Su arte tin un caracter humoristico, hopi biaha cu un nificacion mas profundo. Un tema importante den su trabou ta e balansa entre esun serio y menos serio, cu un enfoke fuerte riba artesania y acabado. Meijers ta aspira pa sorprende y reta e audiencia cu su obranan.
E esculptura "Blauwe cactus met gele naalden", traha di plastic, palo, metal y verf, ta pas bon den su obra, den cual hopi biaha e ta uza materialnan y formanan no-convencional pa presenta obhetonan reconocibel na un manera sorpredente. Su obranan, manera e esculptura aki, hopi biaha ta abstracto y tin un elemento decorativo , pero tambe cual apariencia ta duna un cierto profundidad.
Meijers su obranan ta forma parti di diferente coleccionnan, manera esun na e Agencia di Herencia Cultural di Hulanda, cual ta uno hopi gusta pa un publico basta grandi, entre otro di Kees van Kooten cu ta un figura Hulandes conoci (Cultureel Erfgoed, Karel Meijers Handwerk).
E esculptura a wordo restaura na mei 2024 door di Katja van de Braak.
E dimensionnan di e esculptura ta: 107cm x 52cm x 52cm.
Obra di arte di glas “Carried Forward” – Van der Klooster, B.
Bernadette van der Klooster ta un investigado y artista Hulandes di arte visual cu ta specialisa den arte di glas. Den su trabou, e ta enfoca regularmente riba temanan cultural pa conecta hende cu un luga of region specifico.
E obra di arte di glas “Carried Forward”, traha di glas transparante forma pa un kimado y poni den un cuadra preto di material sintetico, ta inspira pa un dibuho di piedra indigena den e Grot di Fontein na Parke Nacional Arikok di Aruba y ta forma parti di e proyecto “SITE – SIDE – SIGHT WALKS”. E proyecto aki a wordo desaroya den colaboracion cu Museo Arkeologico Nacional di Aruba (MANA) y arkeologo Harold J. Kelly. E proyecto ta basa riba Sr. Kelly su investigacion di hopi aña riba pinturanan indigena na Aruba y ta explora maneranan nobo pa experencia y compronde patrimonio cultural atraves di caminatanan, dialogo y arte di glas.
E dimensionnan di e obra di glas, exclui cuadra ta: 20cm x 25cm x 4,5cm.