Gabinete di Gobernador di Aruba ta wordo financia cu fondonan di reino. Den capitulo IIB di e presupuesto di reino e entrada y gastonan anual di gabinete ta stipula.
A base di esey, e Minister di Asuntonan Interior y Relacionnan den Reino (BZK) ta responsabel pa administracion di e presupuesto y e operacionnan di gabinete.
Herarkicamente, Gabinete di Gobernador no ta cay bao di un ministerio di Hulanda ni di Aruba. E director y e personal di Gabinete di Gobernador, mester responsabilisa nan mes solamente na Gobernador encuanto nan ehercemento di nan function y tareanan.
E relacion di maneho di gabinete ta describi den e decreto di finanzas y personal di gabinetenan di gobernador' Director di gabinete ta raporta asuntonan di maneho na e director di asuntonan financiero economico di e Ministerio di BZK.