Un persona ta Hulandes si e tin nacionalidad Hulandes. Tin tres manera con un personan por haya nacionalidad Hulandes: di forma automatico pa nacemento of reconocimento (pa ley, ‘van rechtswege’), via opcion of via naturalisacion.
Personanan cu no ta dispone di nacionalidad Hulandes pa ley, mester aplica pa e nacionalidad Hulandes. Esaki por cu un peticion pa naturalisacion. Tin biaha bo por bira Hulandes di un manera mas rapido tambe. E persona e ora ey ta haci un peticion pa opcion.
Diferencia opcion y naturalisacion
Tin cuatro diferencia importante entre e procedimento di opcion y naturalisacion. Primeramente e condicionnan cu mester cumpli cu ne. Tambe e autoridad cu ta tuma e decision, e duracion di e proceso y e costonan ta diferencia.
E manera mas simpel y rapido pa haya nacionalidad Hulandes ta via e procedimento di opcion. Esaki ta dura como averahe seis pa nuebe luna despues di entrega di e peticion. Pa esey mester cumpli si cu diferente condicion.
Riba e pagina aki por lesa mas informacion tocante ken por bira Hulandes a traves di opcion. Ta menciona tambe cua condicion mester cumpli cu ne y kico ta e procedimento pa esaki. E informacion ta di Servicio di Inmigracion y Naturalisacion (IND) di e ministerio Hulandes di Husticia y Seguridad.
| Kiko abo ta haci? | Kiko (Gabinete di) Gobernador ta haci? | |
|---|---|---|
| 1. | Busca informacion. | |
| 2. | Averigua si bo ta cumpli cu e condicionnan. | |
| 3. | Mustra documentonan na Gabinete di Gobernador. | |
| 4. | Haci declaracion di opcion y posiblemente (laga) yena otro formulario. | |
| 5. | Paga costo. | |
| 6. | Investigacion y evaluacion. | |
| 7. | Confirma e adkisicion di nacionalidad Hulandes of nenga e confirmacion. | |
| 8. | Den caso di aprobacion: invita bo pa e ceremonia di naturalisacion. Den caso di rechaso: informa bo ariba e decision. | |
| 9. | Den caso di aprobacion: asisti na ceremonia di naturalisacion y haci declaracion di solidaridad (huramentacion of promesa). Den caso di rechaso: posiblemente haci obhecion. | |
| 10. | Renuncia di otro nacionalidad (si ta rekeri). |
Un otro ruta pa bira Hulandes ta via e procedimento di naturalisacion. Esaki ta dura como averahe un aña despues di entrega di e peticion.
Riba e pagina aki por lesa mas informacion tocante ken por bira Hulandes a traves di naturalisacion. Ta menciona tambe cua condicion mester cumpli cu ne y kico ta e procedimento pa esaki. E informacion ta di Servicio di Inmigracion y Naturalisacion (IND) di e ministerio Hulandes di Husticia y Seguridad.
| Kico abo ta haci? | Kico (Gabinete di) Gobernador ta haci? | Kico IND ta haci? | |
|---|---|---|---|
| 1. | Busca informacion. | ||
| 2. | Averigua si bo ta cumpli cu e condicionnan. | ||
| 3. | Haci prueba di naturalisacion (si ta necesario). | ||
| 4. | Mustra documentonan na Gabinete di Gobernador y (laga) yena peticion pa naturalisacion y demas formulario. | Yena formulario (hunto cu bo). | |
| 5. | Paga costo. | ||
| 6. | Investigacion y evaluacion. | ||
| 7. | Completa documentacion (si ta necesario). | ||
| 8. | Manda dossier cu conseho pa IND. | ||
| 9. | Evalua dossier cu conseho. | ||
| 10. | Den caso di aprobacion: presenta e peticion pa naturalisacion na Su Mahestad, Rey Willem-Alexander. Den caso di rechaso: redacta e decision di rechaso. | ||
| 11. | Den caso di aprobacion: invita bo pa e ceremonia di naturalisacion. Den caso di rechaso: informa bo ariba e decision. | ||
| 12. | Den caso di aprobacion: asisti na ceremonia di naturalisacion y haci declaracion di solidaridad (huramentacion of promesa). Den caso di rechaso: posiblemente haci obhecion. | ||
| 13. | Renuncia di otro nacionalidad (si ta rekeri). |
Finalisacion procedimento di nacionalidad Hulandes
Bira Hulandes ta un acontecimento special. P’esey Gabinete di Gobernador ta organisa ceremonia di naturalisacion. Durante e ceremonia Gobernador ta dedica atencion na significado di nacionalidad Hulandes. Tambe e ta papia tocante di e balornan clave di Reino Hulandes. Y tocante e sentimento di conexion cu e persona cu haya nacionalidad Hulandes ta haya cu e comunidad di Aruba.
Tur hende cu bira Hulandes a traves di opcion of naturalisacion ta obliga di asisti na e ceremonia di naturalisacion dentro di 1 aña despues di e decision. Eynan mester haci e declaracion di solidaridad. Esaki ta e ultimo paso di e procedimento y pa oficialmente haya nacionalidad Hulandes.
Renuncia di e otro nacionalidad
Despues di haya nacionalidad Hulandes, por ta necesario pa un persona haci renuncia di su propio nacionalidad. Riba pagina tres di e foyeto aki di IND ta describi (na Hulandes) ki ora si of no esaki ta obligatorio.
| Producto | Costo |
|---|---|
| opcion, singular | Afl. 501,- |
| opcion, colectivo | Afl. 857,- |
| opcion, pa coopcion menor di edad | Afl. 56,- |
| naturalisacion, singular | Afl. 2368,- |
| naturalisacion, colectivo | Afl. 3023,- |
| naturalisacion, pa conaturalisacion menor di edad | Afl. 349,- |
Contacto
No tur situacion ta mescos. P’esey Gabinete di Gobernador ta conseha pa tuma contacto via telefon of e-mail cu e departamento di asuntonan consular. Un di e colaboradornan consular por splica cua situacion ta aplicabel pa e persona en cuestion. Tambe nan ta indica cua documento mester entrega.
Mas informacion
Por lesa mas informacion tocante ambos procedimento pa bira Hulandes na Aruba den e foyeto aki di IND.