Un paspoort nacional ta e paspoort di Reino Hulandes. E paspoort aki ta un documento di biahe pa persona cu nacionalidad Hulandes. Cu esaki por biaha rond mundo.
Residente di Aruba
Residente di Aruba cu nacionalidad Hulandes, mester acudi na Censo pa pidi un paspoort nacional. Censo ta e Servicio di Registro Civil y Registro di Poblacion di Aruba.
No-residente di Aruba
No-residente di Aruba cu nacionalidad Hulandes, den cierto caso por aplica pa un paspoort nacional na Gabinete di Gobernador di Aruba. Esaki ta conta por ehempel pa stagiaire Hulandes, marinero, Hulandes cu ta riba biahe mundial of Hulandes na Aruba cu un permiso temporal di estadia.
Residente di municipio Hulandes
Hulandes cu ta inscribi na un municipio Hulandes, mester pidi un paspoort aya. Si nan ta residencia den exterior, nan por dirigi nan mes na e representacion diplomatico di Reino Hulandes na e pais en cuestion. Ora nan ta na Hulanda tambe nan por traha un cita cerca un municipio autorisa pa emiti documento di biahe na Hulandes cu no ta biba na Hulanda.
Personanan no-residente cu ta desea di aplica pa, of busca un paspoort nacional, mester haci esaki personalmente y segun cita. Esaki por via di e departamento di asuntonan consular di Gabinete di Gobernador. Documentonan cu mester entrega hunto cu e peticion ta:
- e actual paspoort nacional di e peticionario y tur documento di biahe den poder di e persona;
- dos pasfoto reciente segun e criterionan valido pa aceptacion di paspoort Hulandes;
- un prueba di no ta residente di Aruba di Censo;
- un formulario di peticion di paspoort completamente yena + (solamente den caso di perdida di paspoort) un formulario C-2 completamente yena;
- pago di e costo pa e paspoort nacional.
Entre dos y seis siman despues di entrega di e peticion, por busca e paspoort. Mester haci esaki dentro di tres luna despues di e peticion. Sino ta destrui e documento. E paspoort ta valido pa 10 aña pa persona di 18 aña of mas, y 5 aña pa persona bao di 18 aña.
Afspraak
Por mira e datonan di contacto pa haci un cita riba e pagina di contacto aki.
| Producto | Costo |
|---|---|
| Paspoort nacional te cu 18 aña (duracion validez 5 aña) | Afl. 161,70 |
| Paspoort nacional persona desde 18 aña (duracion validez 10 aña) | Afl. 205,45 |
Na Gabinete di Gobernador por paga cu swipe of cash na AWG.