Cas Ceremonial di Gobernador
Na 1985 a cuminsa cu construccion di e residencia oficial di Gobernador di Aruba na Maria Christinastraat 2 na Oranjestad.
Na 1986 Aruba a haya e status di pais dentro di Reino y e prome Gobernador di Aruba a asumi su puesto.
E dos prome Gobernadornan, señor F.B. Tromp y señor mr. O. Koolman, a biba den e residencia oficial durante nan periodo como Gobernador. Gobernador Refunjol no a haci uzo di e residencia di Gobernador, en espera di renobacion di e edificio.
A completa e reconstruccion y renobacion di e residencia di Gobernador na 2015, pa e uzo actual como cas ceremonial di recepcion: Cas Ceremonial di Gobernador. E edificio ta den uzo di Gobernador pa audiencia y otro recepcion oficial di alto funcionario.
Como parti di e decoracion actual, tin diferente pintura colga temporalmente den Cas Ceremonial. Esakinan ta traha pa artistanan di Aruba y presta pa exhibicion temporal.